Тысяча і 20 год бел-чырвона-белай Пагоні.

20 год таму, 19 верасьня 1991 году, Беларусь стала не савецкай-сацыялістычнай, а проста рэспублікай.
Але кпсс-аўская большасьць у Вярхоўным савеце супраціўлялася адмене савецкіх сымбаляў і афіцыйнаму статусу для гістарычных. Іх дабілі апошнім бюракратычным аргумэнтам:
- Вы ж самі прынялі новую назву краіны: Рэспубліка Беларусь. А на гербе што напісана - "БССР"?!
Прыйшлося прыняць - і герб "Пагоню" і сьцяг.

СЬЦЯГ
ВОЛЬНАЙ
БЕЛАРУСІ

Дарэчы, і да таго часу бел-чырвона-белы сьцяг ужываўся як афіцыйны - ў Менску. Рашэньнем гарсавету (вось тут так і цягне сказаць не па савецку, а нармальна: месцкай Рады) разам з дзяржаўным сьцягам вывешваўся нацыянальны. Вось гэткі афіцыйны статус быў - "нацыянальны сьцяг". і віселі яны на даху гарсавету абодва.



P.S. Тым, каму "бяз розьніцы які сьцяг", і "нафіга апяць меняць", пытаньне:
А нафіга лукашысты сымбалі мянялі? І дагэтуль іх забараняюць.
Калгасна-гэбісцкія боўдзілы больш разумныя за вас аказваюцца?..

20 20 20 вечнасьць

Роўна 20 год таму, 20 верасьня 1991 года, на наступны дзень пасьля прыняцьця Вярхоўным саветам новай назвы краіны і нацыянальных сымбаляў у якасьці дзяржаўных, дэпутатка Галіна Сямдзянава прынесла на працу свой уласны бел-чырвона-белы сьцяг, адпрасавала яго ў 363 пакоі фракцыі, і ейны сьцяг быў першым усталяваны ў зале паседжаньняў Вярхоўнага савету Беларусі.

Роўна праз 20 год, 20 верасьня 2011 г., сямья, сябры, саратнікі, аднапартыйцы й палітычныя праціўнікі, і проста тыя хто ведаў пра гэтую знакамітую дэпутатку, і цаніў ейную працу
разьвіталіся з Галінай Сямдзянавай. у апошні раз...
Труна была пакрытая гэткім самым Сьцягам.



Як у гэткія хвіліны не зразумець, што бываюць людзі, шчыра адданыя ідэе, шчыра верныя гэткай здавалася б драбязе як сымбалі...
І што гэткая драбяза - сапраўды вельмі важная.


фота 24 жніўня 1991

ня проста так "КВН"

"Казалось, нічего не предвешчало". Звычайны выступ звычайных казахаў на фэстывалі ў Юрмале. Звычайны нумар пра тое як файна адпачываць на курорце з жонкай :))
(паглядзіце-паслухайце за адно, ён сьмешны. і 5 мэтраў усяго).
Здавалася б, ну што тут могуць для паказу па беларускім дзяржаўным канале выразаць...

Да сустрэчы заўтра ;)