З гісторыі юзэрпікаў

Даўно зьбіраўся распавесьці-паказаць падрабязна пра гэтыя цікавыя ўсім фоткі, а тут яшчэ й Анэлька ў флэшмобе загадала расказваць пра юзэрпік, што цяпер і стаіць.



Так што рыхтуйце трафік і глядзіце:
(усе фатаграфіі катэгарычна абараняюцца аўтарскім правам!
Unauthorised copying strictly prohibited!)



Гісторыя адбылася пад восень 2005га. Сяброўка Жанка zhannat (нажаль дагэтуль нічога ня піша - хадзіць няма сэнсу) задумала з падачы дырэктара касмэтычнае кампаніі "Модум" Лабковіча мастацкі праект: серыю а-ля гістарычных фатаграфій для прэзэнтацыйнага календару "Прыгажосьць скрозь стагоддзі / Красота сквозь века". У таго дырэктара ёсьць свая калекцыя рарытэтнае касмэтыкі і ўпаковак ад яе, якую ён і хацеў паказаць.
Жанна кіравала працэсам, апрацоўку-дызайн рабіла, здымаць запрасіла трох знаёмых добрых фатографаў - Альбэрта Цэхановіча, Яўгена Вайнова і А. Кладава, а мадэлямі - нашу агульную кулькоўскую (унівэр культуры) кампашку (я, Маргуша, Олька, Балу, Сьвета, Ліза й сама Жанка зьнялася). А таксама дачку й пляменьніцу Лізы і адзіную паўпрафэсійную мадэльку не з нашай кампашкі. яшчэ й хлопцу з маёй працы зьняцца прыйшлося :)
Здымалі ў верасьні, і на натуры шмат дзе ў Менску, і ў гістарычным музэі, і ў кавярні, і ў Жанкі дома :)
Для здымкаў у музэі я зьбег з працы - папрасіў практыканта за сябе пасядзець у звычайна спакойныя дзьве гадзіны :) Бягом у музэй, там бягом пераапранацца ў экспанаты, потым бягом назад.
Вось такая гісторыя папулярнай аватаркі :)

( арыгіналы аватарак і шмат іншай прыгажосьці: )

Усе карцінкі клікабельныя да 60-160 КБ. А тут можна паглядзець усе (залітыя мною) 28 фатаграфій (у альбоме спачатку зусім маленькія прэвьюшкі)